АҚШ-та сатылатын жаңа «мерседестердің» құны артты. Бұған Шығыс Еуропадағы соғыстың инфляцияға әкелуі себеп болғаны анық. Оның салдарын бүкіл әлем сезініп отыр.
Carscoops басылымы модельдердің көбі шамамен 1-2 мың долларға қымбаттағанын жазды. Мысалы, марка 2023 жылғы модельдік топқа кіретін AMG GLE 63 S 4Matic+ кроссоверін 120 мың долларға сатуды ұсынды, ал қазіргі бағасы — 116 мың доллар. Алайда ол жаңармаған және қосымша жабдығы жоқ.
Құны артқан модельдер тізімінде G-класс көш бастады. Базалық G 550 АҚШ-та 139 900 доллар (+5.8 %) тұрады, яғни қазіргіден 8150 долларға қымбат. Ал үздік G 63-тің бағасын сұрағандарға ғана айтады екен.
Mercedes басшылары автомобиль бағасын өсіргеннің арқасында таза табыс артқанын жасырмады, биылғы қорытынды есеп бойынша олар 48-50 млрд еуро пайда тауыпты.
Ал Қазақстан тұрғындары гелик қымбаттайды екен деп қорыққан емес. Су жаңа G 63 AMG 4MATIC Kolesa.kz-те 152 млн теңгеден (319 мың доллар) саудаланып жатыр, сондықтан өндіруші үстінен ақша қосқанын көп адам байқамайды.
Комментариев: 0