АҚШ-та ескі көлік алатындар көбейді

Жергілікті БАҚ елдегі дилерлік орталықтар одометрінде алты сан бар автомобиль сата бастағанын хабарлады. Жуырда Automotive News таратқан ақпарат бойынша 100 000, тіпті 200 000 миль жол жүрген көліктердің өзі 10 мың доллардан жоғары бағаға сатылып жатыр екен.

Бұрын жұрт trade-in арқылы өткізетін көліктер бірден аукционға кететін. Енді жаңа машина таппай сабылғандар ескісіне назар аудара бастаған шақта дилерлер көп жүрген көлік сатуға көшкен.

2024 жылға қарай микрочип дағдарысы аяқталғанда жағдай өзгере ме екен? Сарапшылар өндіріс қарқыны қалпына келгенмен бұрынғы баға болмайтынына сенімді.