Американың Мичиган штатында сервистік бекеттерде дөңгелек ауыстыруға алғаш рет роботтарды қолдана бастады. Жасанды интеллект басқаратын RoboTire-дің механикалық қолы екі дөңгелекті 23 минутта ауыстырады.
Авто шығаратын кәсіпорындарда пайдаланатын роботтар секілді бұл да алты осьті екі манипулятор қолданады. Камера көтергіште тұрған машинаны сканерлеп, дөңгелек пен бұрандалардың орналасу орнын белгілейді. Содан кейін манипуляторға орнатылған динамометрлік кілт әр бұранданы бұрап шығарады, кейін механикалық қол дөңгелекті алып, оны дөңгелек жөндеу білдегіне қояды. Қайта салатын болсаңыз, осы
Темір көмекшінің арқасында адамның қолы ұзарады. Робот камераға түсіріп алған дөңгелек өлшемін, шинаның типі туралы мәліметтерді дөңгелек жөндеу білдегіне бірден жібереді, бұл уақытты үнемдеуге көмектеседі. Батпақ пен қар дөңгелекке еш әсерін тигізбейді, бұранданың шеті көрінсе жетеді.
RoboTire көптеген машина және дөңгелек типтерімен жұмыс істегенде жинайтын ақпарат орталық процессорға түседі, сол арқылы машинаның «білімі артады», бұл процедураның жылдам әрі тиімді болуына ықпал етеді.
RoboTire қызмет ететін шеберхананың басшысы маман тапшы болғандықтан робот алғанын айтты: қазір екі адамның жұмысын бір робот тындырады.
Комментариев: 0