АҚШ-та Damas-тың «арғы атасы» сатылды

АҚШ-тағы аукцион порталдарының бірінде дизайны Daewoo Damas-қа ұқсайтын оң рөлді жапон кей-кары сатылды. Suzuki Every 1991 жылы Оңтүстік Кореяда конвейерге тұрған «дамастың» алғашқы нұсқасы саналады.

1 / 10

• 
• 
• 
• 
• 
• 
• 
• 
• 
• 

1 / 10

1986 жылы шыққан машина 5 сатылы механикамен жұптасқан 543 текше қозғалтқышпен жүреді. Автомобильдің өткен өмірі жайлы ақпарат жоқ, бірақ Suzuki Every Joy Pop Солтүстік Америкаға былтыр барғаны белгілі. Жасы қырыққа таяп қалған көліктің одометрі небәрі 13 мың шақырымды көрсетіп тұр.

1 / 11

• 
• 
• 
• 
• 
• 
• 
• 
• 
• 
• 

1 / 11

Көлік өте жақсы сақталған. Аукционға шықпай тұрып Suzuki вэні сервистік қызмет алды, механиктер барлық сұйықтығын, оталдыру білтесін, сүзгісін ауыстырды, сонымен қатар жаңа шина, стартер орнатып, дыбыс сигналын жөндеген.

Suzuki Every Joy Pop 13 150 долларға (шамамен 5.9 млн теңге) өтті. Модельдің ізбасары Chevrolet Damas-ты Кореяда, Қазақстанда және басқа елдерде кездестіруге болады. Біздің өңірде автомобильдің жүк және жолаушы тасымалдайтын нұсқасы бар. Автосалондарда 38 ат күшіне ие 796 текше моторы бар Damas 4.3-4.6 млн теңге тұрады.