АҚШ-та 1970 жылғы Ferrari отқа оранды

Желіде өртенген Ferrari-дің суреттері мен видеосы тарап жатыр. Motor1 мәліметінше оқиға Америкадағы Watkins Glen International жарыс жолында болған. Ferrari 512M қаншалықты зақымданғаны белгісіз, бірақ кейбір бөлігі аман қалыпты.

The 1971 #Ferrari 512M, which took bronze at #LeMans, suffered a massive fire during the event at Watkins Glen. #FerrariFriday🥹 #OMG 😱😨😰

📸: jellojillian pic.twitter.com/xVFTv4ljXa

— RSF Motorsport ® (@RSF_Motorsport) August 2, 2024

Бренд 560 ат күшіне ие V12 қозғалтқышы бар 512 S шассиін Porsche-мен бәсекелесу үшін жасаған, себебі оның спортпрототиптері 1960-1970 жылдары Еуропаның жарыс жолдарында үстемдік етті. Мұндай Ferrari-дің 25 данасы ғана жарық көрді. Кейбірін компания пайдаланған, бірнешеуін жеке шабандоздар мен командаларға сатқан.

Расталмаған деректер бойынша АҚШ-та 1020 нөмірлі прототип өртенген. Ferrari 1970 жылы шыққан бұл көлікті ешқашан пайдаланбапты. Спорткарды атақты америкалық импорттаушы және NART деген жеке спорт командасы бар Луиджи Чинетти сатып алған.

Заманға сай жабдықталған прототип Дайтона және Себрингтегі жарыстарды қосқанда, бірқатар беделді сайысқа қатысты. Болид 1971 жылы «Ле-Мандағы 24 сағатта» үшінші орын иеленді. Араға үш жыл салып, NART осы болидпен Бонневилль тұзды көлінде рекорд орнатпақ болды. Бұл 512M-нің музей экспонатына айналар алдында соңғы өнер көрсетуі еді.

1 / 3

• 
• 
• 

1 / 3

Өрт неден шыққаны белгісіз. Құтқару тобы бармай тұрып, раритет шамамен төрт минут жанып тұрған деп мәлімдеді басылым. Машинаның тек шанағы бүлініпті, оны қалпына келтіруге болады.