АҚШ билігі жақында Қытай автоөндірісіне жаңа тыйым салуы мүмкін. Reuters бұл жолы ақылды автомобильдерге қауіп төніп тұрғанын хабарлады. Қытай көліктеріндегі түрлі интеллектуалды технология киберқауіпсіздік мамандарын алаңдатып отыр.
Мұндай шағым ресми 2024 жылдың басында түскен. АҚШ билігі интернетке қосылған Қытай машинасы иесінің жеке дерегін өз еліне таратуы мүмкін деп санайды. Сондай-ақ түрлі сыртқы камера мен сезгектердің арқасында Қытай көліктері бақылау құрылғысы қызметін атқаруы мүмкін. Ел билігі мұндай машиналар бір жолда жаппай бұзылуы мүмкін екенін де жоққа шығармайды.
Қауіптің алдын алу үшін АҚШ Қытайдың бағдарламалық жасақтамасы бар немесе жартылай автономды жүйеде қолданылатын радар, камера сияқты аппаратпен жабдықталған машинаны елге кіргізуге тыйым салғысы келеді. Сондай-ақ V2X байланыс стандартына арналған құрылғыға (машинаның жол инфрақұрылымы объектілерімен байланысты) тыйым салынуы мүмкін.
АҚШ билігі осы арқылы бұл саладағы өз өндірісін дамытуды мақсат етеді. Бірақ Қытай компонентін пайдаланып жүрген кейбір өндіруші оны алмастыратын детальді тез арада таба алмайтынын айтып отыр. Сондай-ақ басылым дереккөзі билік Ресейдің бағдарламалық жасақтамасына да тыйым салуы мүмкін екенін атап өтті.
Егер АҚШ шынымен осындай шешім қабылдаса, 2025 жылдан бастап іске кірісуі мүмкін. Бірақ шектеу онжылдықтың аяғына қарай толық күшіне енеді.
Комментариев: 0