Шеңгелді ауылының 25-тен 30 жасқа дейінгі үш тұрғыны тоғыз ай бойы Қапшағайға «табыс табуға» барып жүргенін Kolesa.kz-ке сол өңірдегі полиция департаментінің баспасөз қызметінде хабарлады. Кішігірім қалалар мен ауылдарда автодабылдың сирек қолданылатынын пайдаланған жігіттер түн жарымында көліктерді ашып, аккумулятор, автомагнитола, бейнетіркеуіш сынды қандай да бір құндылыққа ие заттардың барлығын үптеп кетіп отырған. Дөңгелектерін де шешіп алатын болған. Қолды еткен заттарын Алматыда, Қапшағайда, жәнен Шеңгелдіде сатып отырыпты.
Әккі қылмыскерлерді тек қазан айында ғана қолға түсірген. Сол аралықта олар көлік иелеріне 8 миллион теңгеге жуық шығын келтіріп үлгерген екен. Қазіргі таңда күдіктілер қамауға алынып, тергеу жұмыстары жүргізілуде.
Комментариев: 0