Австралиялық ANCAP мамандары Haval Jolion кроссоверінің оң рөлді нұсқасын краш-тесттен өткізді. Машина барлық сынақта өзін жақсы көрсетіп, бес жұлдыз алды. Бірақ сынға ұшыраған тұстары да бар.
| Модель | Жалпы рейтинг | Ересек жолаушылардың қорғалуы | Балалардың қорғалуы | Жаяу жүргіншілердің қорғалуы | Қауіпсіздік жүйелері |
| Haval Jolion |  |
90 % | 84 % | 64 % | 92 % |
Бетпе-бет соққы кезінде жүргізуші орнындағы манекеннің кеудесіндегі сезгектер тым қатты күш түскенін көрсетті, бұл «орташа» деген бағаға сәйкес келеді. Екінші манекен «жасыл аймақта» қалды. Артқы жолаушы денесін қорғау деңгейі төрт ұпайдан 1.76 балл ғана жинады.
Jolion бүйірден келген соққы кезінде де сәл нашар нәтиже көрсетті. Соғылған кезде көліктің артқы есігі ашылып кеткен, бұлай болмауы керек.
Мамандар модельдің электронды көмекшілеріне жоғары баға берді. Барлық жүйе тамаша жұмыс істеп, толық 16 ұпайдың 14.87-сін алды. Тек автоматты тежеу жүйесінің қараңғыда жаяу жүргінші мен велосипедшіні қорғау деңгейінен сәл кемшілік байқалды.
ANCAP сынақ нәтижесі Haval Jolipn-ның барлық нұсқасына (гибридтен басқа) қолданылатынын айтты. Гибрид нұсқасы бөлек сынақтан өтеді.
Комментариев: 0