Amberauto-ның сырт келбеті белгілі болды

«Автопоток» мәліметі бойынша премьерасы жақында болатын кішкентай электромобиль L7/L7e категориясына, яғни автомобильдегідей басқару элементтері бар ауыр квадрициклға жатады.

Нормативке сәйкес мұндай көліктің максимал жылдамдығы 50 км/сағ, ал қуаты 20 ат күшінен аспауы керек. Олар жалпы жолға шыға алады және мотоцикл сияқты нөмірін артына тағады.

Калининградтық «Автотор» компаниясы Мәскеу политехникалық институтымен бірлесіп әзірлеген Amberauto-ға каркас-панельді конструкция негіз болған, оның көтергіш құрылымы алюминий профильдерінен, ал қаптауы композиттен жасалған. Әзірлеушінің айтуынша «салоны қарапайым және бір ғана экранмен жабдықталады».

Жаңа өнімнің 5000 тиражбен шығады. Өте арзан электромобиль каршеринг және жеткізу қызметіне арналған, жеке тұтынушыны қызықтырмауы мүмкін.