Петропавлда жапон нарығына арналған W124 шанағындағы Mercedes-Benz 300 E сатылымға шықты. Автокөлік бірнеше себеппен өзіне назар аудартады. Біріншіден, седан толық жетекті. Мұндай нұсқа тым сирек кездеседі деу қиын, десе де артқы жетекті көліктерден біршама аз көлемде шығарылған, 1987-1995 жылдар аралығында мұндай нұсқаның тек 14 мың данасы жарық көрді.
Екінші себеп — көліктің жағдайы. Суреттеріне зер салсақ, 300 E зауыттан кеше ғана шыққандай, не жуырда жақсы детайлинг орталығында болғандай әсер қалдырады. Одометріне сенсек, 1992 жылдан бері 3 литрлік қатарлы моторы мен автоматты қорабы бар седан 80 мың шақырым жолды артқа тастапты.
Үшінші себеп — бағасы. Көлік иесінің мұндай «мерсті» арзанға бермесі анық, сол себепті ол 6 миллион теңге сұрап отыр. Ал толық жетекті 300 E-нің нарықтағы бағасы 1.9 млн теңге шамасында.
Комментариев: 0