Kolesa.kz порталында W126 индексті Mercedes-Benz S-Class сатылымға қойылған. Ол қарапайым седан емес, 3 литрлік V6 қозғалтқышы бар 300 SEL лимузині. M103 179 ат күші мен 255 Нм момент береді. Қозғалтқышы 4 сатылы автоматпен жұптаса жұмыс істейді.
Машина АҚШ-та жасалған. Көліктің қазіргі иесінің айтуынша 6.2 метрлік 300 SEL 1988 жылы Калифорнияда сатып алынған. Мұны сатып алу туралы түбіртек те растайды.
Бұл көліктің шыққанына 33 жыл болса да, өте аз жол жүрген. Одометрі небәрі 1208 миля (шамамен 1944 шақырым) көрсетіп тұр. Машина шынымен жақсы сақталған, әсіресе салоны көз тартады. 300 SEL жеті адамға арналған. Кәдімгі диваннан бөлек, артқы жағында тағы екі қарапайым кресло бар.
Алматыда тұрған сирек кездесетін Mercedes-Benz-ті алғыңыз келсе 19 миллион теңге жұмсауға дайын болыңыз.
Айта кетейік, осыған ұқсас «126» Голландияның The Ockhuisen Collection галереясында бар. Автокөлік әу баста таяу шығыстық клиентке арналған. Бірақ Иран-Ирак соғысына байланысты Роттердам портында тұрып қалыпты. Қоймада 2017 жылға дейін тұрған машина кейін мұражайға қойылды.
Комментариев: 0