2025 жылы BMW-ның танымал тюнері Alpina компаниясы бавариялық концерннің қол астына өтеді. Car&Driver инсайдерінің мәліметі бойынша Alpina сәнді суббрендке айналып, Mercedes-Maybach-тың бәсекелесі болады. Онжылдықтың екінші жартысында компания қазіргі бірнеше модельден бас тартып, жаңа электрокарлар шығаруды ойластырып жатыр.
Болашақта ең қымбат BMW қазіргі 7-сериялы седанның Alpina маркасымен шығатын люкс нұсқасы болады. Оны әзірлеуге Alpina-ның бұдан былай еш қатысы болмайтын сияқты. Жаңа өнім Rolls-Royce Ghost-тың орнын басады. Британиялықтар Droptail топтамасы сияқты түрлі эксклюзив және Spectre электрлі купесінің ерекше нұсқалары арқасында пайда көреді.
BMW бірқатар модельмен қоштасуды жоспарлап отыр. Мысалы, Z4-тің жаңа буыны, 8-сериялы купе мен кабриолет шықпайды, бірақ топтамада 8 саны қалады. Оны батареялы төрт есікті купе иемденеді.
Компания жақын арада электрлі моторға толығымен көшпейді. Бренд Neue Klasse платформасындағы 3-сериялы седан мен кроссовердің батареялы нұсқасын шығарады. BMW жуырда электрлі кроссовер прототипін таныстырады. i3 және iX3 конвейерге 2025 жылдан кейін тұрады. Концерн CLAR платформасынан бас тартып отырған жоқ. Оны жақсартып, дәстүрлі моторы бар болашақ модельдерге қалдырады.
Инсайдерлер BMW мұндай екі платформалы стратегияны 2035 жылға дейін пайдаланып, кейін сұйық отын тұтынатын агрегаттан бас тартатынын айтты.
Комментариев: 0