Естеріңізге сала кетейік, 19 наурызда оңтүстік астанаға кіретін жолдардың барлығы жабылып, қала билігі ешкімді шығармайтынын және кіргізбейтінін мәлімдеген. Кеше брифингте Алматы әкімінің орынбасары осыны бірнеше рет қайталаған, әрі мұнсыз карантиннің мәні жоғалады дегенге келтірді.
Бірақ таңнан бері елдер оңтүстік астанаға кіруін доғарар емес. Қалалық полиция департаментінің баспасөз қызметі kolesa.kz тілшісіне хабарлағандай, үйіне келіп үлгермегендер мен облыс және басқа өңір тұрғындарына әзірше жеңілдік беруде.
Нақтырақ айтсақ, қалаға тек тиісті тіркеуі бар адамдарды деректер базасынан тексеру арқылы өткізеді. Сонымен қатар, қала аумағына медициналық қызметкерлер мен пойыз, ұшақ билеттерін көрсеткендер кіре алады. Алматыға ем алу үшін келетіндердің мәселесі жеке қаралады.
Баспасөз қызметі хабарлағандай, блокпосттардағы жағдай күрделі, бірақ тыныш. Алматыға кірмек болған облыс тұрғындарына карантин талаптарын түсіндіріп, кері қайтарып жатыр. 71-жолайрықта мас ер адам бөгетті бұзып өтпек болды, бірақ оның жолын патрульдік жасақ кесті. Ал басқа бекеттерде мұндай келеңсіз жағдайлар тіркелмеді.
Естеріңізге сала кетейік, Алматыда 2020 жылдың 19 наурызында карантин режимі енгізілді. Төтенше жағдай кезінде полицейлерге бағынбағандар тек айыппұл төлеп қана қоймай, абақтыға қамалуы да мүмкін.
Комментариев: 0