Алғашқы екі экопост Құлжа тас жолы мен Бұқтырма көшесінде жұмыс істей бастады. Қала әкімі баспасөз қызметінің хабарлауынша, тестілік режимдегі тексеруде түтіні нормадан асатын 5 мыңға жуық жеңіл көлік пен мыңнан астам жүк машинасы анықталған. Қалаға кіреберісте 19 экопост орнатылады. Сондай-ақ жылжымалы экопатрульдер іске қосылады. Олар көліктен шығатын улы газдың құрамы мен түтінін тексереді.
1 / 5
Барлық бекетте ауа сапасын өлшеп, оның дерегін онлайн-карта мен LЕD-дисплейде көрсететін станциялар бар. Әр 20 минут сайын онлайн-бақылау станциялары атмосферадағы ластаушы заттардың мөлшерін, сонымен қатар ылғалдылық, температура, қысым, желдің бағыты мен жылдамдығын өлшеп, ауаның жай-күйі туралы ақпаратты бірыңғай мәліметтер базасына жібереді.
Комментариев: 0