Төле биді батысқа қарай ұзарту бір жыл бұрын басталған. Жоспар бойынша жұмыс келер жылы аяқталу керек болатын.
Жергілікті әкімдіктің баспасөз қызметі «Тұрғындардан өтініш түсуіне байланысты Ерболат Досаев Төле биді Алатау көшесіне дейін ұзарту жұмысын тездетіп, 2022 жылдың соңына дейін аяқтауды тапсырды. Бұл „Алма Сити“ тұрғын үй кешеніне дейін баруға мүмкіндік береді», — деп хабарлады.
Шенділер берген мәлімет бойынша Наурызбай ауданын аралағанда Ақжар шағынауданында асфальт төсеу процесіне шаһар басшысының көңілі толмаған, ол жұмыс сапасын қадағалауды күшейтуге пәрмен берді.
Жетісу ауданына қарасты Сейфуллин мен Жансүгіров қиылысына жолайрық салуды тоқтатқан мердігерге қатысты шара қолдануға бір апта уақыт берді. Бес жылға созылған құрылыс жыл соңына дейін аяқталуға тиіс еді. Алайда мұнда жақын арада көлік жүрмейтін сияқты.
Комментариев: 0