6 ақпанда Назарбаев — Гоголь және Абылай хан — Гоголь қиылысындағы бағдаршамның жұмыс режимі жаңарған. Ал 15 ақпанға дейін Достық — Абай, Сейфуллин — Мақатаев және Абай — Алтынсарин көшесіндегі бағдаршамдар өзгереді.
Алматы қаласы Жол қозғалысы және жолаушылар көлігін ұйымдастыру басқармасы Kolesa.kz редакциясына хабарлағандай, аталған қиылыстарда бағдаршамның екі фазасы машиналарды өткізсе, үшінші фазада көлік легі толығымен тоқтап, жаяу жүргіншілер өтеді. Мұндай бағдаршам бұған дейін Әуезов — Тимирязев және Достық — Жолдасбеков қиылысында іске қосылған.
Мамандар әлі «Атакент» маңындағыдай диагональ жолақ сызған жоқ. Басқарма өкілдерінің айтуынша жаңа әдіс жаяу жүргіншілердің қауіпсіздігін қамтамасыз етіп, кептелісті азайтады. Алдағы уақытта мұндай жол бөліктері көбейеді.
Комментариев: 0