Алматыдағы Сейфуллин даңғылы үш күнге жабылады

Қалалық мобилділік басқармасы құрылыс-монтаж жұмыстары жүретіндіктен, бүгін 23:00-ден 3 қыркүйек 22:00-ге дейін Сейфуллиннің Ақбаевтан Жансүгіровке дейінгі аралығынан көлік өтпейді деп хабарлады.

Жабық бөлікті Ақбаев, Ботаническая және Ломоносов көшелері арқылы айналып өтуге болады. Іргелес көшелерде барлық көлік бұрынғыдай қозғалады. Жүргізушілер бағытын алдын ала жоспарлағаны дұрыс.