Мамандар қазір алты радиалды көлік магистралін ұзартып жатыр. Олар: Абай мен Рысқұлов даңғылы, Саин, Ақын Сара, Тілендиев көшесі және Солтүстік айналма жол.
Жол жөндеушілер мына көшелерді Алматы айналма жолына дейін ұзартады:
- Абай даңғылын — 3.4 шақырымға;
- Рысқұлов даңғылын — 4 шақырымға;
- Саин көшесін — 6.6 шақырымға;
- Ақын Сара көшесін — 5.5 шақырымға;
- Тілендиев көшесін — 7.9 шақырымға;
- Солтүстік айналма жолды — 8.2 шақырымға.
Tengrinews.kz жоспарланған жұмыстың қанша бөлігі аяқталғанын хабарлады:
- Абай даңғылындағы Үлкен Алматы айналма жолы мен Ақсай өзені арқылы өтетін көпірдің құрылысы 70 % , ал жер қазу жұмыстары 40 % (1.2 км) бітті;
- Рысқұлов даңғылы бойымен Айналма жол арқылы өтетін өтпежолдың 70 %-ы, жер қазу жұмысының 30 %-ы (1 шақырым) бітті;
- Саин көшесіндегі темір жол арқылы өтетін көпірдің 30 %-ы бітіп, 4.5 шақырым жолға асфальтбетон төселді;
- Тілендиев көшесінде жер қазу жұмыстары, су құбырлары мен жасанды құрылысты монтаждау жүргізіліп жатыр (8 бірлік);
- Солтүстік айналма бойымен Үлкен Алматы айналма жолы арқылы өтетін өтпежолдың құрылысы 60 % аяқталып, 2.5 шақырым асфальт төселді;
- Биыл ақпанда Ақын Сара көшесінің жобалық-сметалық құжаттамасына мемлекеттік сараптама оң баға берді. Онда әзірге ешқандай жұмыс басталмады.
Алматы облысы әкімдігі жол ұзарту жұмысының мерзімі бөлінген қаражатқа байланысты екенін айтты. Барлық жұмыс 2024 жылдың аяғы мен 2025 жылдың басында бітеді деп жоспарланған.
Үлкен Алматы айналма жолы биыл 16 маусымда ашылды. Ал 21 маусымнан бастап ол жолмен жүру ақылы болады.
Комментариев: 0