Алматыдағы Құлжа тас жолы уақытша жабылады

Құлжа тас жолының Рысқұловтан Халиуллин көшесімен қиылысқан жердегі жолайрыққа дейінгі бөлігінде 23 тамыз 23:00-ден 25 тамыз 7:00-ге дейін қозғалыс шектеледі. Әкімдік хабарлағандай, Шығыс айналма жол және Халиуллинмен солтүстік бағытта жүретіндер тек Талғар тас жолын пайдалана алады. Ал Құлжа тас жолымен тек Рысқұловтан солтүстікке қарай қозғалуға болады.

Мамандар жөндеуден өтетін бөлікке ескерту белгісін қояды. Жүргізушілер сақтық танытып, бағытын алдын ала жоспарлағаны жөн.