Алматыдағы Өтеген батыр көшесінің бір бөлігі үш күнге жабылады

Жол жөндеу жұмысына байланысты 9 тамыз сағат 23:00-ден 11 тамыз 11:00-ге дейін Өтеген батырдың Жұбановтан Абай даңғылына дейінгі бөлігі жабылады. Жұмыс орнын солтүстік бағытта Абай, Алтынсарин және Жұбанов көшесі арқылы, ал оңтүстік бағытта Жұбанов, Алтынсарин және Абай даңғылы арқылы айналып өтуге болады.

Жол жөндеушілер жұмыс жүріп жатқан жерге ескерту белгісі мен мердігер компания басшысының байланыс ақпараты бар тақта іледі.

Жүргізушілер сақ болып, жүретін жолын алдын ала жоспарлағаны жөн.