Жергілікті полиция қала жолдарына 450 «ақылды» бағдаршам орнатылатынын хабарлады.
Polisia.kz дерегіне сүйенсек, қазір басқару орталығының ғимараты жөнделіп, сервер бөлмесі жасалды, қажет құралдардың бәрі сатып алынып, көшелерге 93 «ақылды» бағдаршам орнатылды. Сонымен жұмыстың алғашқы кезеңі аяқталды. Ал екінші кезеңде, яғни биыл тағы 357 қиылысқа құрылғы қойылады.
Жол қозғалысын автоматты басқару жүйесі көлік легін реттеуге қабілетті. Ол қиылыстағы таймерді қозғалыс қарқынын ескере отырып өзі баптайды. Одан бөлек жүйе қоғамдық көлік пен шұғыл қызметке тиесілі техникаларға басымдық береді.
Алматы қаласы ПД Әкімшілік полиция басқармасының басшысы Жандос Мұратәлиевтің пікірінше, жаңа жүйені енгізу автобустардың кешігуін 60 пайызға төмендетіп, жолдардың өткізу мүмкіндігін 18-20 пайызға арттырады.
Комментариев: 0