Алматыдағы Әл-Фараби мен Абай даңғылын жөндеу жұмыстары 10 күн ерте бітеді

Алғашқыда әкімдік бұл аймақты 31 тамызда толық ашамыз деген еді. Бірақ соңғы мәлімдемесінде шенділер Абай мен Әл-Фараби 20 тамызда қолданысқа беріледі деді.

Қала билігі Әл-Фараби даңғылының оңтүстік бөлігі толық біткенін, ал солтүстікте Достықтан бастап Гагаринге дейін жол ашық екенін хабарлады.

Абай даңғылында батысқа қарай Достық пен Розыбакиев арасында жөндеу жұмыстары аяқталды, жол жөндеушілер шығыста Наурызбай батыр мен Достық аралығында жолды толық жауып, асфальт төсеп жатыр.