Алматыдағы Әл-Фараби даңғылының соңғы бөлігі жабылды

Мегаполис өкімдігі 14 тамызда Әл-Фарабидің соңғы бөлігі жабылғанын хабарлады. 23:00-де жол жасаушылар даңғылдың Дулати мен Асқаров арасындағы солтүстік бөлігінде көлік қозғалысын шектеді. Жүргізушілер бұл жерді 16 тамызға дейін айналып өтеді.

12 тамызда Абай даңғылының Тілендиевтен Достыққа дейінгі (6.5 км) арасы жөндеуден өтті. Жоспар бойынша жұмыс 31 тамызда аяқталуға тиіс еді, бірақ мамандар асықса керек, істі ерте тындырды. Бұл жол сапасына кері әсер етпейді деп үміттенеміз.

Әл-Фарабидегі Есентай арқылы өтетін көпір ғана әзірше кептелістен арылмай тұр. Қазір онда жұмыс қарқынды жүріп жатыр. Қалалық мобилділік басқармасы оны күз келгенше қалпына келтіруге сөз берді. Содан кейін шет-шетіне жаяу адам жүретін шағын көпірлер салынады. Жүргін бөлігі сегіз жолақты болады.

Түрксіб ауданында жерасты газ құбырларын ауыстыру үшін жолшылар бүгін Папанин көшесінің Беляков пен Руставели аралығында көлік қозғалысын ішінара шектеді. Жөндеу жұмысы 15 қарашаға дейін жалғасады.