Алматыдағы Әл-Фараби даңғылының солтүстік бөлігі жабылды

Бұл маңға газ құбырын 1974 жылы тартқан екен, содан бері жөндеу көрмепті. Әкімдік жұмыс жүретіндіктен Әл-Фараби даңғылының солтүстігіндегі Луганский көшесінен Достық, Назарбаев даңғылдары арқылы өтетін оң жақ шеткі жолақпен көлік жүрмейтінін хабарлады. Померанцевтен Қаратаев көшесіне дейінгі аралығы кеше ішінара жабылды, мұнда қыркүйектің аяғына дейін қозғалыс шектеледі.

Тұрғындар мен қонақтар бағытын алдын ала жоспарлағаны жөн.

Жоспар бойынша кейін жұмысшылар даңғылдың Қаратаевтан Esentai Mall сауда орталығына дейінгі жерінде құбыр ауыстырады. Жұмыс қай күні басталатыны әзірше белгісіз.