Жаңа жылыту маусымы басталғанға дейін мегаполисте 39 шақырым жылу желісі жөнделеді. Мамандар 59 бөлікті қамтитын жөндеу жұмыстарын негізінен аулада жүргізеді. Бірақ кейбір мекенжайда жолдың астындағы құбырлар да ауысады. Осыған байланысты жазда мына көшелерде көлік қозғалысы шектеледі:
- Жароков көшесінде, Дунаевскийден Қожановқа дейін;
- Байқадамов көшесінде, Радостовецтен Шопенге дейін;
- Янушкевич көшесінде, Байышевтан Хамиди көшесіне дейін;
- Тоқмақ көшесінде, Уәлихановтан Пушкинге дейін;
- Ақан сері көшесінде, №
165/1 үйден №159 үйге дейін; - Мұратбаев — Қарасай батыр қиылысында;
- Қарасай батыр көшесінде, Уәлихановтан Қонаевқа дейін;
- Сәтбаев көшесінде, Байтұрсыновтан Масанчиге дейін;
- Бұқар жырау көшесінде, Байтұрсыновтан Марковқа дейін (жөндеу жұмыстары жүріп жатыр, жол жабық);
- Әшімов көшесінде, 20Б нөмірлі үй маңында;
- Айманов — Бөгенбай батыр қиылысында;
- Әйтиев көшесінде, Бөгенбай батырдан Төле биге дейін;
- Римский-Корсаков көшесінде, Ғабдуллиннен Бұқар жырауға дейін (жөндеу жұмыстары жүріп жатыр, жол жабық);
- Ғабдуллин көшесінде, Римский-Корсаковтан Нахимовқа дейін (жөндеу жұмыстары жүріп жатыр, жол жабық).
Құбырлар ауысатын жерде көлік қозғалысы кезең-кезеңімен шектеледі. Бұл туралы ақпарат алдын ала жарияланады. Жаңалықтарды бақылап отырыңыз!
Комментариев: 0