Алматыда жылу желілері тексеріледі

Жылу желілеріне сынақ жүргізу кестесін «Алматы жылу жүйесі» ЖШС кеше жариялады. Жоспарға сай 22 шілде мен 11 тамыз аралығында таңғы сағат 3:00-ден 8:00-ге дейін Алматының жерасты коммуникациялары тексеруден өтеді.

«Алматы қаласының сегіз ауданы аумағында жүргізілетін жылу желілерін гидравликалық сынақтан өткізу кезінде қала тұрғындары мен қонақтарынан сақтық танытуды және оларды өткізу орындарына уақытша көлік қоймауды сұраймыз», — деді коммуналды мекеменің баспасөз қызметі.

Бірақ олар кестеде көрсетілген көшелердің тұрғындарына мыңдаған көлікті басқа қайда қоюға болатынын түсіндірген жоқ.

Бұл жауапкершіліктен алдын ала жалтару секілді. Бастысы ескерттік, болды дегенге ұқсайды.

Алматы көшелеріндегі жылу желілеріне сынақ жүргізу кестесі:

22 және 27 шілде

• Түрксіб ауданы: Сейфуллин — Бехтерев — Кассин — Айбасов көшелері;

26 шілде

• Алмалы және Бостандық аудандары: Қарасай батыр — Шагабутдинов — Тимирязев — Розыбакиев көшелері.

27 шілде

• Алатау ауданы: Аққайнар кенті — Мәмбетов кенті — ҮАК-ның оңтүстік жағы; Алмалы және Жетісу аудандары: Абылай хан — Бөгенбай батыр — Мұратбаев — Мақатаев — Тобаяқов — Сейфуллин көшелері

.

27 және 28 шілде

• Әуезов ауданы: Ұлықбек — Жандосов — Саин — Яссауи көшелері.

27 және 30 шілде

• Бостандық ауданы: Асқаров — «Алматы» санаториі — Саин — Әл-Фараби — Рысқұлбеков — Каблуков — Бәсенов — Өтепов — Розыбакиев — Жароков — Ходжанов — ҚазҰУ — Тимирязев — Ганди — Назарбаев — Жолдасбеков — Достық — Байжанов көшелері — ІІМ санаторийі.

28 шілде

• Алмалы және Бостандық аудандары: Қарасай батыр — Варламов — Жандосов — Айманов;
• Алмалы және Медеу аудандары: Сейфуллин — Тобаяқов — Назарбаев — Мәметова — Уәлиханов — Әйтеке би көшелері;
• Алатау ауданы: Мөңке би — Момышұлы — Райымбек — Фариза Оңғарсынова көшелері.

29 шілде

• Алмалы және Бостандық аудандары: Әйтеке би — Панфилов — Шевченко — Желтоқсан — Сәтбаев — Байтұрсынов көшелері;

29 және 30 шілде

• Әуезов ауданы: Ұлықбек —Үлкен Алматы өзені — Рысқұлбеков — Саин көшелері;

30 шілде

• Алмалы және Бостандық аудандары: Қарасай батыр —Байзақов — Өтепов — Розыбакиев көшелері;

2 тамыз

Алмалы және Бостандық, Медеу аудандары: Гоголь — Қорған — Сәтбаев — Чайковский көшелері;
Алмалы және Жетісу аудандары: Рысқұлов — Сейфуллин —Гайдар — Қарасай батыр көшелері.

3 тамыз

• Алмалы, Жетісу және Медеу аудандары: Сейфуллин — Рысқұлов — Жангелдин — Райымбек — Куратов — Гоголь көшелері.

3 және 4 тамыз

• Алатау, Алмалы және Әуезов аудандары: Рысқұлов — Гайдар — Яссауи — Абай көшелері.

4 тамыз

5 тамыз

• Алатау ауданы: Мөңке би — Б.Момышұлы — Ф. Оңғарсынова — Зерделі ықшам ауданы;
• Жетісу және Түрксіб аудандары: Рысқұлов — Глазунов — Тихий — Жансүгіров, Ратушный көшелері, Құлагер ықшам ауданы.

5 және 6 тамыз

• Алмалы ауданы: Төле би — Абай — Әшімов — Гайдар көшелері.

6 тамыз

• Алмалы ауданы: Қарасай батыр —Төле би — Кәрімов — Масанчи көшелері.

11 тамыз

• Наурызбай ауданы: Жуалы — Сәбденов —Жақыбаев —Тарғап көшелері.

Айта кетейік, әр жаз сайын Алматының жылу жүйесінде оқыс жағдайлар болып тұрады. Мысалы, былтыр Гагарин мен Ходжанов көшелерінің қиылысында жерден ыстық су атқылаған. Егер көлігіңізге осындай жағдайда зақым келсе, оған өтемақы алу қиындау, бірақ мүмкіндік жоқ емес. Ең бастысы, мына материалда айтылған кеңестерге сай әрекет ету керек.