Алматы қалалық ІІД баспасөз қызметінің мәлімдеуінше, жыл басынан бері 12 242 адам әкімшілік жауапкершілікке тартылған. Жаяу жүргіншіні қағу — қаладағы жиі орын алатын жол-көлік оқиғаларының бірі болып табылады. 2018 жылы 1 500 адам көлік астына түссе, олардың елу жетісі мерт болған! 38 жағдайда жол апаты жаяу жүргіншілердің кінәсінен орын алған екен.
«Жаяу жүргінші» пысықтау шарасының статистикалық сандары көшедегі жаяу жүргіншілердің тәртіп сақтау деңгейінің төмендігін кезекті рет көрсетті. Тек екі күннің ішінде 368 жаяу жүргінші айыппұл арқалаған. Жыл басынан бері 615-бап бойынша 12 242 адам әкімшілік жауапкершілікке тартылды”, — деп мәлімдеді Алматы қалалық ІІД Әкімшілік полиция басқармасының басшысы полиция полковнигі Жандос Мұратәлиев.
Естеріңізге сала кетейік, белгіленбеген жермен жолды кесіп өту — кемі екі АЕК көлемінде айыппұл салуға не үш күнге дейін қамауға алу жазасына алып келуі мүмкін.
Комментариев: 0