16 қыркүйекте болған нөсер Алматыны 10 балдық кептеліспен тұсаулап қана қоймай, аяқталмаған жұмыстың салдарын айқын көрсетті. Аманжол көшесінде топырақпен жабылған траншеяларды жаңбыр шайып кеткендіктен, 13 автомобиль асфальт астында қалды.
Оқиға орнынан фото мен видео 16 қыркүйек кешінде әлеуметтік желіде тарай бастады, кейін әкімдік ресми мәлімдеме жасады. Мамандар бұған дейін бұл бөлікке су және кәріз құбырларын орнатқан. Жұмыс толық аяқталғанмен газ құбырының құрылысына байланысты асфальт төселмеді.
Билік іргелес көшелерден жиналған жаңбыр суы Аманжол көшесіндегі арыққа құйылатындықтан жер шөккен және инженерлік желі тартқанда да топырақ негізі әлсіреген дейді. Бұл бөлікте көлік қозғалысы шектелді, мамандар бүлінген машиналарды 17 қыркүйектен бастап эвакуациялайды. Оларды жөндеу жұмыстарына жауапты мердігер ұйым қалпына келтіреді.
Бүгін таңертең Алматыда тағы бір жол опырылып қалды. Tengrinews.kz хабарлағандай, Яссауи көшесінде бірнеше автобус асфальт астына түсіп кетті. Тұрғындардың айтуынша жазда бұл жерде жөндеу жұмыстары жүрген.
Комментариев: 0