Жол апаты 19 қараша күні кешқұрым уақытта Әл-Фараби даңғылында болған, — деп хабарлайды Tengrinews.kz. Toyota Camry шығыс бағытта қозғалған екен. Куәгерлердің айтуынша, «тойотаның» жүргізушісі Porshe-мен жарыспақ болыпты, алайда Сейфуллин даңғылымен қиылысатын тұста ол тізгінге ие бола алмай, жарнама билбордына соғылып, үш ағашты жапыра өткен де, тағы бірнеше рет аударылған. Апат орын алған сәтте сол маңнан өтіп бара жатқан адамдар аударылған көлікті орнына қоюға көмектескен. Ал жүргізушіні құтқарушылар келіп, арнайы құралдың көмегімен салоннан шығарыпты. Ғажайыптың күшімен аман қалған ер адам ауыр жағдайда ауруханаға жеткізілген.
1 / 6
Комментариев: 1