Погон таққан алаяқтарға көзі үйреніп қалған Алматы полицейлері жалған патруль автомобилін алғаш көрді. Қаладағы көшелердің бірінде тәртіп сақшылары ҚР ІІМ белгісі бар, бірақ жеке тұлғаға тиесілі екенін растайтын облыстық нөмір таққан Hyundai көлігін тоқтатады. Сөйтсе, машина фильмге қатысу үшін арнайы жасалыпты.
«Егер әр кино түсіруші қажетіне қарай осындай реквизит жасай берсе, хаос болады (жолда дегені шығар — Kolesa.kz ескерт.) Бұл жалған полицейлердің жымысқы әрекет жасауына мүмкіндік береді», — деп мәлімдеді жергілікті полиция департаменті басшысының орынбасары Нұрлан Алмасбеков.
Машина қазір айыптұрақта тұр, иелері жазаланды.
Әкімшіілк кодекстің 603-бабына сәйкес көлікке дабыл белгісін заңсыз орнатқан жеке тұлға — 25 АЕК, орта кәсіп субъектісі немесе коммерциялық емес ұйым — 100 АЕК, орта бизнес өкілі — 200, ал ірі кәсіпкер 1000 АЕК көлемінде айыппұл төлейді, құрылғы тәркіленеді.
Көлік сыртына арнайы қызметке тиесілі автомобильдің түсті графикалық схемасын заңсыз салғандар да айыппұл арқалайды.
Комментариев: 0