Алматыда тағы ұзын-сонар кептеліс болады

Велоспорттан Азия чемпионаты 6 маусымда басталып, 12 маусымда мәресіне жетеді. Соған байланысты жергілікті әкімдік 6, 7 және 8 маусымда 9:00-ден 17:00-ге дейін Момышұлы көшесіндегі «Алматы Арена» кешенінен батысқа қарай Мөңке биге дейінгі аралық, Мөңке бидің Момышұлыдан жаңа Саинға дейінгі бөлігі және солтүстік бағытта № 1 арнайы ХҚКО-ға дейінгі жерде көлік жүрмейтінін хабарлады. Жолдың шығыс жағында реверсивті қозғалысқа рұқсат береді.

9, 10, 11 және 12 маусымда Момышұлы көшесінің «Алматы Аренадан» Индустриялық аймаққа дейінгі бөлігі және сол аймақтың төңірегі жабылады. Шектеу мына уақыттарға жоспарланған:

• 9 маусымда 9:00-ден 18:00-ге дейін;
• 10 маусымда 7:00-ден 11:00-ге дейін және 12:00-ден 16:00-ге дейін;
• 11 маусымда 7:00-ден 13:00-ге дейін;
• 12 маусымда 9:00-ден 14:30-ге дейін.

Бұл уақытта да жолдың шығыс жағында реверсивті қозғалысқа рұқсат беріледі.

Жүргізушілер сақтық танытып, бағытын алдын ала жоспарлағаны жөн.