Наурызбай ауданының тұрғындарымен кездескен Ерболат Досаев Абай даңғылының Яссауи мен Әшімов арасындағы бөлігінде орналасқан «Қалқаман» бекеті салынып жатқанын айтты. Жерасты жол «Барлық» базарына дейін созылады екен. Әкім «Б. Момышұлы» бекеті 1 қыркүйекте ашылатынын хабарлады. Оның техникалық ашылуы былтыр желтоқсанда өткен. Қала билігі сол кезде бір-екі айда пойыз жүре бастайды деп еді, алайда мерзімін мамыр аяғына, кейін маусымға шегерді, енді күзде бірақ қолданысқа беріледі деп отыр.
Сонымен қатар Абай даңғылын батыс бағытта ұзарту жалғасады. Оған қажет жер телімдерін сатып алыпты, қалғанын әкімдік құрылыс барысында өз меншігіне алады. Қала басшысының сөзінше қазір мамандар Төле биді ұзартып жатыр. Жұбанов Момышұлы көшесінен қала шегіне дейін созылады. Одан бөлек Шұғыла мен Тастыбұлақтағы 14.5 км жол жөнделеді. Сәуірде Ақжар ықшамауданындағы 45 шақырым болатын 89 жолдың құрылысы басталды.
Комментариев: 0