Мамандар 5 қаңтарда Рысқұлов даңғылымен шығыс және батыс бағытта жүргенде Момышұлы көшесімен қиылыста солға бұрылуға рұқсат беретін жол белгісін алып тастады. Қалалық мобильділік басқармасы аталған шешім қандай нәтиже көрсететінін 1 наурызға дейін бақылайды.
Енді Рысқұловпен батысқа қарай бара жатқан жүргізуші солға (Райымбекке қарай) бұрылу үшін Алғабасқа қарай жүріп, үзік сызықтан кері бұрылады да, Момышұлына қайтып келіп оңға бұрылады.
Ал даңғыл бойымен шығысқа қарай жүргенде Қасым Шәріпов көшесімен қиылыстағы бағдаршамнан кері бұрылуға тура келеді. Айта кетерлігі, Рысқұлов бойымен жүретін көлік көп болғандықтан, мұнда жиі кептеліс болады.
«Зерттеу қорытындысы бойынша қосымша шешім қабылдаймыз. Жүргізушілер қозғалыс бағытын алдын ала реттеп, жол ережесін қатаң сақтағаны жөн», — деді шенділер.
Комментариев: 0