Күні кеше ауа температурасы жиырма градусқа көтерілген еді, бүгін ауа райы аяқ асты құбылып, қала көшелерін қар басты. Табиғаттың тосын мінезі әсіресе тау етегінде тұратындарға қолайсыздық тудыруда. Мұндағы қардың қалыңдығы таңғы сағат ондар шамасында 4 сантиметрге жеткен.
Түркістан, Қызылорда, Жамбыл және Алматы облыстарында да жауын жауып, күн суытады деп күтілуде. Полицейлер жолда мұқият болып, арақашықтық сақтау қажеттігін ескертті.
Елдің солтүстік және шығыс аймақтарында қыс қаһарына мініп, республикалық маңызы бар тас жолдардың 12 бөлігі жабылды.
Комментариев: 0