Кореядан автокөліктерді Алматыға К. есімді азамат жеткізген.
«Арнайы ХҚКО қызметкерімен заңсыз келісімге келіп, Қазақстанда көлік тіркеуге қажет құжаттарға жалған мәлімет енгізген. Осылайша кәсіпкер автомобильді алғаш тіркегенде алынатын 340 млн теңгені төлеуден жалтарған», — деді Алматы қаласы ПД ұйымдасқан қылмысқа қарсы күрес басқармасының басшысы Жанат Нұрғалиев. Ол қылмыстық топ қазірге дейін 250 машинаны заңсыз тіркеп үлгергенін айтты.
Аталған факті бойынша қылмыстық кодекстің 385-бабы бойынша іс қозғалды. ХҚКО қызметкерлері мен кәсіпкер 4000 АЕК (әрқайсысы 13 800 000 теңге) мөлшерінде айыппұл төлейді немесе сол мөлшерде түзеу жұмысына не 1000 сағатқа дейін қоғамдық жұмысқа тартылады немесе 4 жылға бас бостандығы шектеледі не сол мерзімге түрмеге қамалады.
Комментариев: 0