Алматыда нашақор полицей жүргізуші куәлігінен айырылды

19 ақпанда Алматыда екі полиция көлігі мен Toyota машинасы қатысқан жол апаты болғаны туралы ақпарат әлеуметтік желіде пайда болды. Қызметтік көліктің біреуін мегаполистің криминалдық полиция басқармасының аға жедел уәкілі басқарыпты. Оның қанынан мефедрон табылған.

Полиция департаменті жол-көлік оқиғасына себепкер болған қызметкердің қанында есірткі болғанын растамады. Тәртіптік комиссияның шешімімен қызметкер жұмысынан бірден босатылды.

Полиция департаментінің басқа да басшылары тәртіптік жазаға тартылды, бұл жұмыс ҚР ІІМ басшыларының бақылауында деп хабарлады департамент.

Бүгін экс-полицей көлікті есірткіге масайған күйде басқарғандықтан (Әкімшілік кодекстің 608-бабының 3-бөлігі) кінәлі деп танылғаны белгілі болды. Мұндай тәртіп бұзғаны үшін 7 жылға жүргізуші куәлігінен айырылып, 20 тәулікке қамалуы керек еді. Алайда Informburo.kz хабарлағандай, нашақор түрмеге жабылмапты. Сот бұл шешімін құқық қорғау органдарының қызметкерлері қызметтік міндетін орындау кезінде әкімшілік құқық бұзғаны үшін әкiмшiлiк жауапқа тартылғанмен, оларды қамауға болмайды деп түсіндірген.