Алматыда мөлтек аудандардың атаулары өзгерді

Соңғы он жыл ішінде оңтүстік астананың аумағы кеңейіп, жаңа елді мекендермен толыққаннан кейін атауы бірдей көшелер мен шағынаудандардың саны артып, бұл шатасуларға әкеп соққан еді. Сол себепті қалалық мәслихат біраз жердің атауын өзгерту жөнінде бастама көтерді.

Мәслихат мүшелері саннан құралған атаулармен елді шатастырмай, әр мекенге жеке атау берейік деген шешімге тоқталып, Алғабас 1-6 шағынаудандарының атауын жаңартыпты. Оған қоса Ремизовка да ендігәрі Асқартау деп аталмақ. Алатау Нұр Алатау атанса, Бутаковка енді Мұзтау, Заря Востока Шапағат, ал Дорожник Көкмайса болады. Толық ақпаратпен төмендегі тізім арқылы таныса аласыздар.

Алатау ауданы:

1. Алғабас-1 — Нұркент.
2. Алғабас-2 — Ботакөз.
3. Алғабас-3 — Ақмаржан.
4. Алғабас-4 — Ғажайып.
5. Алғабас-5 — Дарабоз.
6. Алғабас-6 — Зерделі.
7. Заря Востока — Шапағат.
8. Құрылысшы — Самғау.
9. Трудовик — Томирис.

Әуезов ауданы:

1. Дубок — Шабыт.
2. Дубок-2 — Атамекен.
3. Школьный — Жазира.
4. Школьный-2 — Алмас.
5. Тепличный — Қуаныш.

Бостандық ауданы:

1. Алатау — Нұр Алатау.
2. Алмаарасан — Архат.
3. Жайлау — Ғаламат.
4. Ремизовка — Асқартау.

Жетісу ауданы:

1. Дорожник — Көкмайса.
2. Первомайский — Кемел.

Медеу ауданы:

1. «Родник» саяжай қоғамының шығысында және «Қорғаушы — Защитник» саяжай қоғамының оңтүстігінде орналасқан Ақтөбе — Шарапат.
2. «Горный садовод» саяжай қоғамының батысында орналасқан Ақтөбе — Алтын.
3. Бутаковка — Мұзтау.

Наурызбай ауданы:

1. Алатау — Байтақ.
2. Каменка-3 — Мейрам.
3. Қарағайлы-2 — Дария.

Турксіб ауданы:

1. Колхозшы — Нұршашқан.