Желіде бүгін таңертең Алматы әуежайында түсірілген видео тарады. Одан арнайы көлік қызметіне тиесілі Renault Logan-ға соғылған Bombardier CRJ-200-ді көруге болады.
Кейін Tengrinews.kz порталы оқиға орнынан түсірілген суреттерді жариялады. Мегаполис әуежайының баспасөз қызметі берген хабарламада оқиға автомобиль жолы мен әуе көлігіне арналған жолақ қиылысқан жерде болғаны жазылған. Апаттан ешкім жарақат алмады. Бакудан келген борт FlyJet.kz компаниясына тиесілі екен.
Аталған іске қатысты Қылмыстық кодекстің 344-бабы, 1-бөлігі бойынша сотқа дейінгі тергеу жүргізіліп жатыр. Кінәлі деп танылған тұлға 2000 АЕК-ке дейін (5 834 000 теңге) айыппұл арқалап, екі жылға дейін бас бостандығы шектелуі немесе сол мерзімге түрмеге қамалуы мүмкін.
Комментариев: 0