Алматы қалалық Полиция департаментінің баспасөз қызметі 2019 жылы көлік ұрлығымен айналысып келген үш ұйымдасқан қылмыстық топты анықтап, оларға 22 дерек бойынша айып таққан. Бұл топтардың әрекеті тек сериялық сипатқа ие. Айта кетерлігі, іске қатысушылардың барлығы Қазақстанның өзге аймақтарынан келгендер және әрқайсысы бұрын да қылмыстық жауапкершілікке тартылған екен.
Тәртіп сақшыларының айтуынша, қаскөйлер көбіне «мазда» не ВАЗ сияқты ескі көліктерге көз салады. Десе де жол талғамайтын қымбат темір тұлпарлардың да қолды болғаны туралы деректер бар. GPS-модуліне ие автодабылы бар көліктер тез-ақ табылып, иесіне қайтарылыпты, ал бөтеннің мүлкін иеленбек болғандар түрмеге қамалған. Қолды болған көліктердің тағы бірін тәртіп сақшылары елдің оңтүстігінен тауыпты.
Полицейлер әлі ашылмаған қылмыстар бойынша қазіргі таңда сотқа дейінгі тергеу жұмыстарының жүргізіліп жатқанын айтады. Криминалды полиция басқармасының құрамынан арнайы жедел тергеу тобы құрылған.
Комментариев: 0