Қалалық әкімдік кикшеринг компаниялармен бірлесіп жалға берілетін самокаттардың қоғамдық жерде жүруіне тыйым салды. Алматы қаласы мобильділік басқармасының мамандары Kolesa.kz басылымына кешке дейін кәсіпкерлер белгіленген аймақтарда қозғалу мүмкіндігін шектейді деді.
Бүгіннен бастап микромобиль жалға алған тұрғын мына жерлерде жүре алмайды:
- 28 гвардиялық-панфиловшылар атындағы саябақ пен «Южный» саябағы, мәдениет пен демалыс бағы және Тұңғыш Президент саябағы;
- «Северный» және ҚБТУ алдындағы саябақ;
- Ботаникалық бақ;
- Арбаттың жаяу жүргіншілерге арналған бөлігі (Жібек жолы бойымен Назарбаевтан бастап Абылай хан көшесіне дейін);
- Кіші Алматы өзеніндегі терренкур.
Панфилов көшесіндегі жаяу жүргіншілер аумағына, Мақатаев бойындағы Желтоқсаннан Чайковскийге дейін созылып жатқан шағын бақта электросамокатқа сағатына 10 шақырым шектеу қойылады. Жалға берілетін көлікті жоғарыда атап өткен жерлерде және Төлебаев көшесінде тұраққа қоюға болмайды.
Шектеулер жалға беруші компаниялардың қосымшаларында көрініп тұрады. Мобильділік басқармасы бұл жаңа ережелердің жеке микромобиль айдап жүрген жандарға еш қатысы жоқ деді. Жол ережесіне электросамокат, мопед және басқа да жеке қозғалыс құралын міну ережелерін белгілейтін өзгертулерді депутаттар қарастырып жатыр.
Комментариев: 0