Оқиға кеше сағат 20:00 шамасында Жетісу ауданындағы Ангарская көшесі, 97а мекенжайында орналасқан жанармай қоймасында болды. Қолда бар ақпарат бойынша асып төгілген жанармай өртеніп, қызыл жалын жүк көлігін шарпыған. Өрт сөндірушілер оқиға орнына бірнеше минутта жетіп, отты өшірді. Өрт сөндіруге 106 адам мен 28 арнайы техника қатысқан.
Алматы қаласы төтенше жағдайлар департаментінің баспасөз қызметі өрт 80 шаршы метр аумақты қамтығанын хабарлады. Қойма аумағында 280 тонна отын құйылған 10 резервуар тұрған, солар отқа оранып жарылуы мүмкін болғандықтан, жағдай аса қауіпті болды. Қайғылы оқиғаның алдын алу мақсатында мамандардың бір тобы өрт сөндірсе, өзгесі резервуарларға су шашып, салқындатып тұрды.
Өрт 21:20-да ауыздықталып, 21:51-де толық сөндірілді. Ешікм ауыр зардап шеккен жоқ. Өрт сөндірушілердің бірі жараланып қалды. Оқиғаның себебі анықталып жатыр.
Комментариев: 0