Қалалық мобильділік басқармасы басшысының орынбасары Ернұр Абжаханның айтуынша, мегаполистегі бір бағытты көшелер санын көбейту мәселесі әлі қарастырылған жоқ. (Естеріңізге сала кетейік, бір бағытта қозғалатын жаңа көшелер туралы жол қозғалысын ұйымдастырудың кешенді схемасының жаңарған нұсқасында көрсетілген болатын).
Шенеуніктің айтуынша, қалада үш жолайрық салынып жатыр: Сейфуллин — Жансүгіров, Рысқұлов — Емцов және Бұқтырма көшесі — Құлжа тас жолы. Рысқұлов — Емцов қиылысындағы жолайрықты биыл пайдалануға беру жоспарда бар, қалған екеуі келесі жылы іске қосылады. Мөңке би мен Саин көшелерінің қиылысында да жолайрық салынады.
Е.Абжахан атап өткендей, Саин көшесін ұзарту үшін 67, ал Абай даңғылын ұзарту үшін 23 жер телімі сатып алынады. Сондай-ақ 2021 жылы Әуезов көшесі Алматының солтүстігіне қарай ұзартылады. Қажымұқан көшесін Назарбаевтан батысқа қарай Горный Гиганттағы Жамақаевқа дейін созуға арналған жобалық-сметалық құжат әзірлеу керек.
Басқарма басшысының орынбасары BRT желісінің екінші кезеңіне арналған жоба қайта қарауға жіберілгенін айтты.
Одан бөлек биыл он шағынауданда (Өжет, Шаңырақ-5, Самғау, Алғабас, Нұршашқан, Қайрат, Әлмерек, Құрамыс, Тастыбұлақ, Думан) жол жөндеу жұмысы басталады. Жалпы ұзындығы 149.4 шақырым жол қайта жөнделеді. Оның 100 шақырымын 2021 жылы аяқтау жоспарланған.
Комментариев: 0