Өрт бүгін, 11 наурызда таңғы сағат 6:20 шамасында «Алтын бұлақ» тұрғын үй кешеніндегі жерасты паркингінде болды. Қалалық ТЖД баспасөз қызметінің хабарлауынша, өрт сөндіру тобы оқиға орнына бірнеше минутта жеткен. Тұрақты қою түтін басқандықтан мамандар өрт ошағын арнайы құрал көмегімен тауыпты. Ауаны тазарту үшін өрт сөндірушілер түтін аластайтын жүйесі бар автокөлік пайдаланды.
Өрт 06.58-де оқшауланып, 07.09-да сөндірілді. BMW 5 және Hyundai Creta седаны толығымен жанып кетті. Жақын маңда тұрған Mercedes-Benz G-класс жоғары температурадан зақымданды. Алдын ала мәлімет бойынша, BMW бірінші болып тұтанған, содан кейін Hyundai отқа оранды. Өрт ошағы BMW-нің қозғалтқыш бөлімі болуы мүмкін деген болжам бар. Нақты жағдайды өрт тергеушілер анықтап жатыр.
Комментариев: 0