Оқиға бүгін таңғы тоғызға таман Шығыс айналма жолда болды. Төтенше жағдайлар департаментінің баспасөз қызметі өрт сөндірушілер апат орнына 8:27-де жеткенін хабарлады.
Мамандар отқа оранған автобусты тездетіп сөндіру және көлік конструкциясын суыту үшін бөлек-бөлек көбік шашты дейді департамент өкілдері. Апат болған сәтте қоғамдық көлікте жолаушы болмаған.
8:50-де қызыл жалынның беті қайтты. Автобус түгел жанып кеткен.
15.02.2023 ж. 13:30-да қосылған мәлімет:
Қалалық мобильділік басқармасы № 131 бағыттағы автобус жүргізушісі ақауды өзі анықтап, жолаушыларды аялдамаға түсіріп кеткенін хабарлады. Содан соң машинаны автопаркке жеткізбек болады, алайда қозғалыс кезінде автобустың мотор тұратын бөлігі тұтаныпты. Жүргізуші өрт сөндіргіш құралмен отты өшіруге тырысқанмен, жарылыс болып, салон өртенген.
Комментариев: 0