Кеше Мәметова көшесінің Желтоқсан мен Абылай хан арасындағы бөлігіндегі тұрақта кәрі ағаштың бір бұтасы құлап, жол жиегінде тұрған төрт машинаны және сол сәтте өтіп бара жатқан бір көлікті зақымдады. Абырой болғанда, адамдар аман. Оқиғаның мән-жайын ТЖ мамандары мен жергілікті учаскелік полицей анықтап жатыр.
Kolesa.kz мұндай жағдайда оқиға орнынан кетуге болмайтынын ескертеді. Көліктің бүлінген жерлерін суретке түсіріп, куәгерлерді табу керек және полицияға хабарласқан жөн. Хаттама толтыру барысында ешкімге шағымыңыз жоқ екенін айтпаңыз, бұл өтемақы алудан өз еркімен бас тарту ретінде қабылдануы мүмкін. Оқиға тіркелген соң шығын мөлшерін есептеп, ағаш үшін жауапты мекемеден өтемақы талап етіңіз.
Машинаға боран салдарынан жарнама тақтайы құласа да, дәл осылай әрекет ету керек.
Комментариев: 0