Жер телімін сатып алуда қиындық болғандықтан, көпір құрылысы бірнеше жылға созылып кетті. Тіпті бір жылдай нысанда мүлде жұмыс жүргізілген жоқ. Абай даңғылына қатысты сот ісі біткенше, жұмысшылар басқа жаққа жіберілді.
Абай даңғылының Момышұлынан Әшімовке дейінгі бөлігі біраз уақыт бұрын ашылған. Тек көпір құрлысы аяқталмаған еді. Енді сол 400 метрлік эстакадада көлік қозғалысы іске қосылды. Яссауиден Береке көшесіне дейінгі бөлікте жол жабынының төменгі қабаты төселді. Көпір әр бағытта төрт жолақты. Абай даңғылы Әшімовпен қиылысатын тұста әлі жұмыс жүріп жатыр. Онда қозғалыс бағдаршаммен реттеледі, бұл Әшімов көшесіндегі көлік қозғалысын айтарлықтай баяулатып тұр.
Жол жөндеушілер нысанды 2022 жылы қыркүйекте аяқтауды жоспарлап отыр. Сол уақытқа дейін жолдар жөнделіп, аумақ ретке келтіріледі және жол үсті өткелдері салынып, асфальттың үстіңгі қабаты төселеді.
Комментариев: 0