Алматыда жол қозғалысының қауіпсіздігін қамтамасыз ету мәселесі бойынша Бақытжан Сағынтаевтың қатысуымен жиналыс өтті. Шара кезінде әкім жарнама орнату ережесін олар жол белгілерін жауып қалмайтындай етіп әзірлеуді тапсырды.
Одан бөлек мегаполис билігі жаяу жүргіншілердің қауіпсіздігін арттыруды көздеп отыр. Нақтырақ айтсақ, қауіпті жол бөліктерінде (жаяу жүргіншілер өткелі, мектеп пен балабақша маңы, аула) көлік жылдамдығын жасанды жолмен төмендету жоспарда бар.
Мегаполис басшысы цифрландыру бөліміне жолдың жағдайы, жөндеу жұмыстарының барысы, белгілер мен таңбалардың орналасуы жайлы ақпарат беріп, жол жасайтын мамандар мен полицияның әрекетін үйлестіруге мүмкіндік беретін онлайн-платформа әзірлеуді тапсырды.
Жиналыс нәтижесінде қалада сарапшылар, мамандар және қоғам белсенділерінен құралған арнайы көлік кеңесі құрылатын болды. Оның міндеті — Vision Zero бағдарламасын өзекті ету, көлік стратегиясын жеделдету, сонымен қатар қоғам мен билік арақатынасының тиімділігін арттыру.
Комментариев: 0