Алматы — Ташкент — Термез тас жолының бір бөлігі жабылды

16 наурызда Алматы — Ташкент — Термез тас жолының 63-шақырымынан (Жаңақұрылыс ауылы) 79-шақырымына (Жамбыл ауданы Үңгіртас ауылы) дейінгі бөлігі жабылды. «ҚазАвтоЖол» ҰК «жолдағы қауіпті ақауларды жою мақсатында жөндеу жұмысын жүргізіп жатқанын» хабарлады.

Жол жөндеушілер жұмысты алдағы 10 күнде аяқтауды жоспарлап отыр. Осы аралықта жүргізушілер айналма жолмен жүреді:

• Жаңақұрылыс маңынан ескі жолға шығып, Самсы ауылы маңында трассаға қайта қосылады;
• Ұзынағаш, Қарақастек, Дегерес арқылы Тарғапқа дейін айналып жүреді.

Тас жолдың нақты қандай қауіпті ақауын жөндейтінін «ҚазАвтоЖол» хабарлаған жоқ.