Алматы облысындағы қай жолдарға «Сергек» қойылады

Облыстық ПД баспасөз қызметі мына жерлерге «Сергек» орнататынын хабарлады:

• Алматы — Бішкек тас жолы, 27 км, Қаскелеңге бұрылатын жол өтпесі;
• Алматы — Көкпек — Көктал тас жолы, 27 км, «Құлжа» жанармай құю бекеті;
• Алматы — Жетіген — Қапшағай су қоймасы тас жолы (бұрынғы Қапшағай жолы – Kolesa.kz ескерт.), 34 км, Әли ауылынан өтетін тұс;
• Алматы — Талғар — Бәйдібек би тас жолы, 12 км, Бесағаш ауылы, шығыс бағыттағы базар;
• Алматы — Өскемен тас жолы, 109 км, Шеңгелді ауылына кіреберіс.

Полицейлердің айтуынша Алматы облысындағы «сергектер» жылдамдық асыру, қарсы бағытқа шығу, жол таңбасы талабын сақтамау, көлікті рұқсат етілмеген жерге тоқтату және т. б. әрекеттерді тіркейді.

ПД камералар нақты қашан жұмыс істейтінін хабарлаған жоқ.

Биыл жыл басынан бері облыста 1113 жол апаты болып, 210 адам қайтыс болды және 1575 адам жараланды.