Алматы облысында болған ірі апат үшін жол мамандары сотқа тартылуы мүмкін

Алматы облыстық полиция департаменті Қылмыстық кодекстің 353-бабы бойынша сотқа дейінгі тергеу жүргізіп жатыр. Осы баптың 1-бөлігіне сәйкес, жолдарды пайдалануға жауапты лауазымды адамдардың әрекеті (әрекетсіздігі) абайсызда адам денсаулығына ауырлығы орташа зиян келтіруге себеп болса, екі жүз АЕК мөлшерінде айыппұл салу немесе сол мөлшерде түзеу жұмыстарына не 200 сағатқа дейінгі мерзімге қоғамдық жұмыстарға тарту не 50 тәулікке дейін қамауға алу жазасы беріледі.

Алматы — Қорғас тас жолындағы жол апатында 5 адам зардап шекті. 17 көлікке зақым келді. Полицейлер апатқа көктайғақтың алдын алатын материалдардың дұрыс себілмеуі себеп болған деп санайды.